Արի զարկենք միասին

Ավանդական պարերը փոխել են իմ ամբողջ կյանքը։ Հայտնվել եմ ոչ միայն պարի, այլ իրենց ավելի լավ ճանաչել ցանկացող խելացի մարդկանց շրջապատում։ Արդեն մեկ տարի է, ինչ այս մեծ համայնքի մի մասնիկն եմ։

Թվում է թե բժիշկ լինելով հնարավոր չէ այլ բան հասցնել, ես էլ էի այդպես մտածում, մինչև միացա «Հարք» խմբին և դասերից չբացակայելու և ավելի շատ պարելու մոտիվացիան այնքան մեծացավ, որ ոչ մի պարապմունք բաց չեմ թողնում։ Միացեք, սովորեք, ճանաչեք ձեզ ու տարածեք հայկականը։

Ինձ դուր է գալիս, որ կարող եմ ամբողջովին կտրվել առօրյա խնդիրներից և մոտ երկու ժամ կենտրոնանալ և ընկղմվել հայկական մշակույթի մեջ։ Երբեք չէի մտածի, որ հայկական պարերը ինձ կհետաքրքրեն, բայց դրանք վարակիչ են, մեկ դաս ու էլ չես կարողանում չշարունակել։

Պարերի մասին իմացա Կասկադից, երբ պատահաբար տեսա, թե ինչպես են իրար ընդհանրապես չճանաչող մարդիկ միասին պարում, սովորում, տարածում մեր իրական մշակույթը։ Հետո միանգամից գրեցի «Կարին»-ի էջին և միացա «Վանակն» խմբին։ Կյանքիս լավագույն որոշումներից էր։

Արդեն մի քանի տարի է, ինչ «Անդոկ»-ում եմ պարում և դժվար է ասել, ինչպիսին եմ ինձ պատկերացնում առանց ավանդական մշակույթի։ Խմբի մասին պատահաբեր եմ իմացել Ֆեյսբուքից, քանի-որ իմ քաղաքում՝ Չարենցավանում, էր գնացի փորձնական դասի։ Այստեղ է, որ կարողանում եմ ինքնաարտահայտվել, ավելի լավ պատկերացնել թե ով եմ ես, կամ ովքեր ենք մենք որպես ազգ։