«Անդոկ» ավանդական պարի խումբ

2015 թվականի սեպտեմբերի 21-ին, Հայաստանի անկախության տարեդարձի օրը, ծնվեց մի փոքրիկ, բայց լույսով լի երազանք։ Սկզբում ընդամենը հինգ հոգի էին, բայց հավատն ու սերը դեպի մեր մշակույթը նրանց հետ տարավ, նրանց մեծացրեց, վերածեց մի մեծ ու հզոր ընտանիքի։

2017 թվականը դարձավ բեկումնային. Հայու պայքար խորագրով առաջին մենահամերգը թնդաց Հակոբ Պարոնյանի անվան թատրոնում՝ արթնացնելով արյան կանչը, ազգային շունչը։ Նույն տարում խումբը հանդես եկավ նաև Լեոնիդ Ազգալդյանի 75-ամյակին նվիրված մենահամերգով՝ հիշեցնելով, որ հայրենիքի համար ապրելն ու մեռնելը նույնքան սուրբ են, որքան նրա երգն ու պարը։

Չարենցավանը՝ խմբի հայրենիքը, երեք անգամ դարձել է Անդոկի հպարտության ու պարի կենտրոնը՝ մեծ մենահամերգներով։ 2024 թվականի ապրիլին խումբը կրկին նոր շունչ տվեց 2017 թվականի համերգին՝ ապացուցելով, որ պայքարը չի ավարտվել, այն շարունակվում է, քանի դեռ հայրենի հողում հայ ոգին կենդանի է։