Գիտություն,
Կրթություն
Մշակույթ

Հայ անվանի պարագետ, «Կարին» ավանդական երգի-պարի խմբի հիմնադիր, ՀՀ մշակույթի վաստակավոր գործիչ Գագիկ Գինոսյանը համոզված էր, որ ավանդական մշակույթը երեխաները պետք է ուսումնասիրեն վաղ տարիքից։

Նրա հեղինակած «Ազգային երգ ու պար» առարկան 2011թ․ առաջին անգամ փորձարկվեց «Այբ» դպրոցում։ Պարզ դարձավ, որ ավանդական երգն ու պարն ունեն համախմբող բնույթ, կարողանում են աշակերտներին լիցքավորել նոր էներգիայով։ Բացի այդ՝ երեխաների մոտ առաջացնում են սեփական երկրի մշակույթի և պատմության նկատմամբ հետաքրքրասիրություն և նպաստում ազգային ինքնության արթնացմանը։

«Կարին»  գիտական կենտրոնի աշխատակիցները  շարունակում են Ս․ Լիսիցյանի՝ պարերի ճշգրիտ գրանցման ավանդույթը «Կաքավագիր» նախագծի շրջանակներում։ Խոսելով Սրբուհի Լիսիցյանի մասին՝ Գագիկ Գինոսյանն ասում է՝ «Մոսկվայում նրան կոչում էին «հայկական Այսեդորա Դունկան», «հայոց պարերի Կոմիտաս», մենք ասում ենք հայոց պարերի խազագիր։

Հայ պարագիտության ամենահզոր հիմնասյունն է, որի շուրջ ապագան նույնպես պիտի կառուցվի»։ Նախագիծը հիմնված է Ս․ Լիսիցյանի ստեղծած և խորհրդային ժամանակների ու հետսովետական երկրների շրջանում միակը հանդիսացող շարժումների գրանցման համակարգի՝ «Կինետոգրաֆիա»-ի հիման վրա։