Պարք Բանակաց

Ծրագիրը ստացավ «Պարք բանակաց» անվանումը, որի առերևույթ արդյունքն են 2018 թ. ՀՀ ԶՈւ բարձրագույն սպայակազմի համար, Առնո Բաբաջանյանի անվան համերգասրահում կազմակերպված «Կարին» ավանդական երգի-պարի խմբի համերգ-ցուցադրությունը, նույն թվականին Սարդարապատի ՀԱԱՊՊ ազգային թանգարանում տեղի ունեցած համերգ-շնորհանդեսը, որի ժամանակ, հանրությանը ներկայացվեց Գ. Գինոսյանի կազմած «Պարք բանակաց» գիրքը, որն իր մեջ ամփոփում է հայկական ավանդական 15 ռազմապարերի մանրամասն նկարագրություն և մի քանի հոդված՝ կապված առհասարակ հայ ավանդական պարերի կառուցվածքի, զինվորի առօրյայում ռազմապարերի դերի կարևորության և ռազմական հոգեբանության վրա դրանց դրական ազդեցության մասին։

Յուրաքանչյուր պարի նկարագրությանը կից տրված է մեկ հայկական ամրաշինական կառույցի (բերդի, ամրոցի, վանքի, և այլն) նկարագրությունն ու դրա հետ կապված պատմական դրվագ՝ հայ հերոսական անցյալի էջերից (ինչպես ներկայիս ՀՀ տարածքում, այնպես էլ Արցախում, Ջավախքում և Արևմտյան Հայաստանի սահմաններում):

Ներկայացված են նաև «Շիրակ» հեռուստաընկերության օգնությամբ նկարահանված, յուրաքանչյուր ռազմապարին վերաբերող 4 տեսանյութ, որոնք ներկայացնում են պարն իր բնօրինակով, արդեն բեմադրված և ելույթային տեսքով, ուսուցողական մեթոդաբանությամբ բացատրված, իսկ կատարումը՝ կից ամրաշինական կառույցի տարածքում։

Վերոնշյալ հոլովակներից բացի՝ նկարահանվել է նաև մեկ ընդհանուր պատմողական բնույթի տեսանյութ, որտեղ ներկայացվում են ամբողջ ծրագրի ընթացքում կատարված աշխատանքները (ընդհանուր առմամբ 61 հոլովակ)։