մեր մշակույթի մի մասնիկը
«Լեռնապար» ավանդական երգի պարի խումբ
Ի՞նչ է Լեռնապարը
Ավանդական երգի-պարի առաջին սիրողական խումբն է, որը դարձել է հայ ավանդական մշակույթի, հայրենաճանաչության և ազգային ինքնության
կենդանի պահապանը
Հիմնում
2010 թվականին Գագիկ Գինոսյանի նախաձեռնությամբ ձևավորվեց «Լեռնապար» ավանդական երգի-պարի առաջին սիրողական խումբը, որը ժամանակի ընթացքում դարձավ հայ ավանդական մշակույթի, հայրենաճանաչության և ազգային ինքնության կենդանի պահապանը։ Խմբի գործունեության հիմնասյունը ավանդական երգի և պարի միջոցով հայ ժողովրդի ինքնաճանաչումն ու ազգային արժեքների փոխանցումն է։
Խումբը անցած 15 տարիներին հաջողությամբ մասնակցել է մի շարք մրցույթների և փառատոնների:
2016 թվականին «Լեռնապարն» առաջին անգամ հանդես է եկել համերգով, որտեղ ներկայացվել են նախկինում չբեմադրված պարեր և պարերգեր:
2019 թվականին կայացել է «Էրթանք մեր Էգին» խորագիրը կրող մենահամերգը, որը նոր ճանաչում է բերել խմբին:
«Լեռնապարն» այսօր էլ շարունակում է միավորել մարդկանց, ովքեր հավատում են ազգային արմատների ու ինքնության ուժին։ 2025 թվականին խումբը նոր եռանդով ու նախաձեռնողականությամբ է իրականացնում իր գործունեությունը։
Համագործակցելով պետական և մասնավոր կառույցների հետ, իրականացնում է տարբեր միջոցառումների մշակութային բաղադրիչի կազմակերպում ու դրա միջոցով նպաստում ազգային մշակույթի հանրայնացմանն ու պահպանմանը։
Միացեք սպասման
ցուցակին
Գրանցումից հետո Ձեզ հետ կապ կհաստատեն հաջորդ կամ ընթացիկ խմբին միանալու համար։
Նախագրանցում